23 тамызда өтетін Ұлттық құрылтай елдің қоғамдық-саяси өміріндегі маңызды оқиғалардың бірі саналады. Бұл басқосу мемлекет пен қоғам арасындағы ашық диалогты нығайтып, ел дамуына қатысты өзекті мәселелерді талқылауға мүмкіндік береді. Құрылтай жұмысына қоғамның түрлі саласының өкілдері қатысып, өңірлердегі түйткілді мәселелер мен оларды шешудің тиімді жолдарын ұсынады.
Ұлттық құрылтай жалпы халықтық сайлау арқылы емес, белгіленген тәртіпке сәйкес қалыптастырылатын консультативтік-кеңесші орган болып табылады. Оның негізгі мақсаты – азаматтардың пікірін ескеріп, елдің әлеуметтік, экономикалық және рухани дамуына қатысты ұсыныстар әзірлеу.
Бүгінде Құрылтай аясында ұлттық құндылықтарды сақтау, жастарды қолдау, білім мен ғылымды дамыту, өңірлік саясатты жетілдіру және қоғамдық бірлікті нығайту бағытындағы бастамалар кеңінен талқыланып келеді. Мұндай кездесулер халықтың үні мен қоғамдық сұраныстың мемлекеттік шешімдерде көрініс табуына ықпал етеді.
23 тамыздағы Құрылтай да елдің болашағына қатысты маңызды бастамаларды талқылайтын, қоғамды ортақ мақсатқа жұмылдыратын маңызды диалог алаңы ретінде өз жұмысын жалғастырады.
Мырзахмет Темірбек,
Ауданның Құрметті азаматы.